Google ADS

Ushtria e Azerbajxhanit vazhdon operacionet për çlirimin e territorit të pushtuar

09:36 | 7 Nëntor 2020
Arbresh.info

Ushtria e Azerbajxhanit u ka shkaktuar humbje forcave armene të cilat qëlluan mbi ushtarët dhe vendbanimet azerbajxhanase në drejtime të ndryshme të frontit gjatë natës, tha Ministria e Mbrojtjes e vendit, transmeton Anadolu Agency (AA).

Në deklaratën e bërë nga ministria thuhet se përleshjet vazhduan kryesisht në drejtim të rajoneve Agdere, Aghdam dhe Hocavend.

Sipas deklaratës, forcat armene janë detyruar të tërhiqeshin në disa zona të frontit, pasi kanë humbur pjesëtarë të personelit dhe pajisje ushtarake.

Disa automjete dhe predha mortaje janë shkatërruar si rezultat i të shtënave artilerike në pozicionet e Regjimentit të 5-të Shkatërrues Malor të ushtrisë armene në drejtim të rajonit Agdere.

Ministria po ashtu tha se humbje ushtarësh i është shkaktuar edhe Regjimentit të 6-të Malor, ndërsa një divizion tjetër ka pësuar shkatërrim të obusëve.

Në deklaratë theksohet se operacionet janë duke vazhduar përgjatë gjithë vijës së frontit.

Shpërndaje në rrjete sociale

Lajmet më të lexuara

Të ngjashme

Foto lajm